Flřtilei­ir

Leikskˇladv÷l

Hér eru upplýsingar um hvernig sótt er um leikskólapláss, hvaða reglur gilda um úthlutun og uppsögn á lekskólaplássi og flutning milli leikskóla innan Ísafjarðarbæjar.


Öll eyðublöð er hægt að fá í þjónustuborði Ísafjarðarbæjar, á öllum leikskólum og þau má líka sækja í pdf.

 

Umsókn um leikskóladvöl
Skilyrði fyrir leikskóladvöl er að barnið eigi lögheimili í Ísafjarðarbæ. Upplýsingar um búsetu og hjúskaparstöðu forráðamanna samkvæmt þjóðskrá þurfa líka að liggja fyrir.

Umsóknareyðublað í pdf.  

 

Úthlutun leikskólaplássa
Úthlutun leikskólaplássa á sér stað á tímabilinu mars til maí ár hvert og eru foreldrar hvattir til að senda inn umsókn fyrir lok febrúar. Algengast er að börn hefji leikskóladvöl á tímabilinu júní til september ár hvert, þegar börnin sem hefja grunnskólagöngu að hausti hætta.

Foreldrar fá sent bréf þegar barn þeirra hefur fengið inngöngu í leikskóla. Bréfið þarf að staðfesta innan sjö daga. Eins þarf að tilkynna ef foreldrar óska ekki eftir leikskóladvöl fyrir barn sitt. Hafi ekkert heyrst frá foreldrum eftir að svarfrestur rennur út er barnið tekið af lista og öðru barni boðið plássið.

 

Uppsagnarfrestur leikskólaplássa
Gagnkvæmur uppsagnarfrestur er einn mánuður og miðast við fyrsta eða fimmtánda dag hvers mánaðar.
Skuldi foreldrar þrjá mánuði eða meira er barninu sagt upp leikskóladvöl. Leikskólaplássi þarf að segja upp skriflega. 

 

Flutningur milli leikskóla
Hægt er að sækja um flutning milli leikskóla innan sveitarfélagsins.
Sótt er um flutning milli leikskóla skriflega. 
Umsóknareyðublað í pdf. 

Vefumsjˇn