Flřtilei­ir

Stjˇrnskipulag skˇlamßla

Fræðslunefnd er skipuð 5 fulltrúum sem eru pólitískt kjörnir af bæjarstjórn. Fulltrúar kennara, skólastjóra og foreldra í Ísafjarðarbæ eiga rétt til setu á fundum fræðslunefndar með málfrelsi og tillögurétt. Hlutverk nefndarinnar er að marka stefnu sveitarfélagsins í skólamálum, fylgjast með og stuðla að því að skólum sé tryggður aðgangur að sérfræðiþjónustu, aðbúnaður sé fullnægjandi og að unnið sé skv. lögum.

Sviðsstjóri skóla- og tómstundasviðs fer með daglega framkvæmdarstjórn þeirra málefna sem falla undir fræðslunefnd (félagsmálanefnd, barnaverndarnefnd, íþrótta- og æskulýðsnefnd).

Sérfræðiþjónusta skóla er fengin frá skólaþjónustu eða fyrir milligöngu hennar.

Skólastjóri er forstöðumaður skólans, stjórnar honum, ber ábyrgð á starfi skólans og veitir honum faglega forystu. Skólastjóri ber ábyrgð á að skólanámskrá sé samin og endurskoðuð reglulega. Hann sér um gerð fjárhagsáætlana, ráðningu starfsmanna, endurmenntun o.fl. Jafnframt er hann tengiliður skólans út á við og skipuleggur samstarf við foreldra í samráði við kennara. Skólastjóri ber ábyrgð á fjármálum, skjalavörslu og öryggismálum skólans.

Nánari verkaskipting er misjöfn eftir stofnunum. 

Vefumsjˇn