Velkomin á vef Ísafjarðarbæjar

Fatlaðir geta leitað til Skóla- og fjölskylduskrifstofu Ísafjarðarbæjar eftir sértækum lögboðnum úrræðum á vegum sveitarfélagsins. Veitt er ráðgjöf og stuðningur sem tekur mið af þörfum einstaklingsins og er lögð áhersla á samstarf við aðra þjónustuaðila. Skrifstofan er opin frá kl. 10 - 15.  Samvinna er við Svæðisskrifstofu málefna fatlaðra á Vestfjörðum.  Vefsíða Svæðisskrifstofu málefna fatlaðra.

Umsjón með málefnum fatlaðra hefur Ingibjörg Kjartansdóttir.
Sími: 450 8000
Viðtalstími kl 10-13
Póstfang: lidveisla@isafjordur.is

Helstu verkefni Skóla- og fjölskylduskrifstofu innan málaflokksins eru liðveisla og ferðaþjónusta fatlaðra.

Liðveisla er persónulegur stuðningur og aðstoð við fatlaða einstaklinga sem miðar að því að efla viðkomandi til sjálfshjálpar, veita honum persónulegan stuðning og aðstoð sem einkum miðar að því að rjúfa félagslega einangrun. Rétt til liðveislu eiga skv. lögum þeir fatlaðir sem búa utan stofnana eða sambýla og eru eldri en 6 ára, eru andlega eða líkamlega fatlaðir og þarfnast sérstakrar þjónustu og stuðnings af þeim sökum. Lögheimili og búseta í Ísafjarðarbæ er skilyrði. Sjá nánari upplýsingar í reglum um liðveislu í Ísafjarðarbæ.

Lög um málefni fatlaðra, nr. 59/1992
Liðveisla - umsóknareyðublöð í PDF.    
Reglur um liðveislu í Ísafjarðarbæ.

Þeir íbúar sem geta ekki notað almenningsvagna og hafa ekki aðgang að eigin faratæki mega nota ferðaþjónustu fatlaðra. Sérútbúnir bílar eru notaðir í ferðaþjónustunni til að geta ekið fólki sem notar hjólastóla. Sjá nánar upplýsingar í reglum um ferðaþjónustu fatlaðra í Ísafjarðarbæ.
Sbr. einnig lög um málefni fatlaðra nr. 59/1992.

Ferðaþjónusta fatlaðra - umsóknareyðublað í PDF.   
Reglur um ferðaþjónustu fatlaðra í PDF