Flřtilei­ir

Barnaverndartilkynning - skylda almennings

Almenningi ber skylda til, gagnvart öllum börnum, að gera barnaverndarnefnd viðvart ef ástæða er til að ætla að barn búi við vanrækslu, áreiti eða ofbeldi eða stofni heilsu sinni og þroska í hættu. Starfstéttum sem hafa afskipti hafa af börnum, þá sérstaklega dagmæðrum, félagsráðgjöfum, leikskólakennurum, sálfræðingum, kennurum, prestum, hjúkrunarfræðingum, lögreglu, ljósmæðrum, dómurum og læknum, ber sérstök skylda til að fylgjast með hegðun, uppeldi og aðbúnaði barna eftir því sem við verður komið og tilkynna til barnaverndarnefndar. 

 

Hvernig er barnaverndartilkynningu komið á framfæri?
Til þess að koma tilkynningu á framfæri við barnaverndarnefnd er haft samband við fjölskyldusvið Ísafjarðarbæjar í síma 450 8000. Starfsmenn barnaverndar taka við tilkynningum á dagvinnutíma. Utan skrifstofutíma má hafa samband við bakvakt barnaverndar í síma 891 8095. Tilkynnandi getur óskað nafnleyndar gagnvart þeim sem tilkynnt er um nema sérstakar ástæður mæli gegn því. Tilkynningar sem berast frá starfsmönnum stofnana þurfa að berast í nafni stofnunar og vera skriflegar.

 

Félagsþjónustan býr yfir ýmsum almennum og sértækum úrræðum er snerta þarfir barna og fjölskyldna þeirra, til dæmis ráðgjöf, fræðslu, meðferð, stuðning af ýmsu tagi og vistanir til lengri eða skemmri tíma.

 

Hvað gerist í kjölfar tilkynningar ?
Innan sjö daga verður barnaverndarnefnað taka ákvörðun um hvort hefja skuli könnun máls eða hvort ekki séu forsendur til könnunar. 
Ákvörðun um að hefja könnun máls markar upphaf barnaverndarmáls.

Vefumsjˇn